NPC
ظهر المصطلح فى MMORPG او Massive Multiplayer Online Role Play
Game و هو تحديداً إختصار ل Non-
Player Character و تكون عبارة عن شخصية
موضوعة فى اللعبة بواسطة المصممين لخلق بيئة اللعب. فمثلاً اصحاب المحلات و شخصيات
القصة كلها تعرف بال NPCs .
بالتأكيد مش ده
موضوع المقال. فى الحقيقة موضوع المقال هيركز على NAH و ده مش عارف إذا كان موجود و لا لأ. بس انا فكرت
فيه كإختصار ل Non-Aware Human . كمان المقال هيتكلم
عن نظام ال Auto-Pilot .
بغض النظر عن
المصطلحات الإنجليزى فى المقال. نبداً بقى الجد. لو تخيلنا العالم لعبة من النظام
ده. انا عايز أعَرَف حاجة جوه العالم ده و هو نوع من البشر غير واعين او غير
مدركين. و هنقارن بينهم و بين ال NPCs . النوع ده من البشر
مبدئياً بيكون غير مدرك للوجود او الحياة بالصورة الكبيرة. يعنى هو مش مدرك لوجوده
و الهدف منه و ده مش من المواضيع اللى بتشغل دماغه اصلا. المشكلة إن درجة وعى او
ادراك الشخصية دى بتكون منخفضة جداً. حياة النوع ده من الشخصيات بتكون كمان غير
مؤثرة تماماً فى مجرى العالم. بعض الأشخاص هيفتقدوا الشخصية لكن مش هيحدث إختلاف
جذرى لو اختفت فجأة. هو فقط بيكرر روتينه اليومى و افعاله كلها متوقعة.
و عشان اكمل
الكلام عن النوع ده لازم اعرف نظام قوى جداً عند البشر. و هو نظام الطيار الالى.
دى حاجة موجودة عندنا كلنا. هو ببساطة قدرتك على إنك تدى عقلك مجموعة من الاوامر
ينفذها بشكل تلقائى من غير ما انت تحتاج تفكر فيها من تانى كل مرة. و انت بتواجه
مواقف او اشخاص معينين. انت بتدى اوامر معينة و ممكن تغيرها حسب ما تغير رأيك
بعدها. إحنا بنستخدم النظام ده دايماً و اوقات كتير. الفرق او الفكرة بتكون فى هل
بنستخدمه بشكل واعى و لا لأ؟ هل إحنا مدركين إننا بنستخدمه؟ هل عندنا القدرة على
تغيير مجموعة الاوامر دى؟ و هل حياتنا هى عبارة عن طيار الى و احنا مش موجودين؟ او
إن حياتنا هى عبارة عن وجودنا و الطيار الالى بس بيساعدنا؟
الشخص الغير واعى
لإنه موجود. زيه زى شخصيات اللعبة. بيؤدى وظيفة معينة تبعاً لمجموعة من الاوامر
اتحطت عنده بمرور الوقت. هو عنده سبب لكل فعل بيعمله. لكنه مش عنده سبب ليهم كلهم
و مش شايف الهدف من وراء كل ده. الشخص اللى بيعيش ايامه كلها بنظام الطيار الآلى و
بينفذ الاوامر الموجودة جواه بدون تغيير. الشخص ده بيكون ببساطة هو NAH او البشرى
الغير مدرك. عايش فقط بالاوامر الاساسية الموضوعة فى برنامجه. او بمعنى اخر
الغرائز الحيوانية بالإضافة لبعض التعريفات الإجتماعية.
و بالتالى حاول تكون مدرك لنفسك و لوجودك. للأوامر اللى بتحط فى نظامك. عشان متبقاش مجرد شخصية فى لعبة بتؤدى غرض معين بحيث إن اللعبة تستمر و باقى اللاعبين يستمتعوا. حاول انت كمان تلعب و تغير الاوامر جواك. حاول إنك ببساطة تكون واعى و بدل ما تكون البرنامج كون المبرمج.
و بالتالى حاول تكون مدرك لنفسك و لوجودك. للأوامر اللى بتحط فى نظامك. عشان متبقاش مجرد شخصية فى لعبة بتؤدى غرض معين بحيث إن اللعبة تستمر و باقى اللاعبين يستمتعوا. حاول انت كمان تلعب و تغير الاوامر جواك. حاول إنك ببساطة تكون واعى و بدل ما تكون البرنامج كون المبرمج.
المقال مش واضح اوى لأن التعبير عنه صعب شوية. كمان اعتقد إنه فيه عنصرية و تصنيف شديد.
بقلم: احمد طارق
ليست هناك تعليقات:
إرسال تعليق