لاحظ ماضيك
هو انت متأكد إنك
صح؟ إنك اكتشفت و فهمت الحقائق؟ إنك دلوقتى بقيت فاهم اللى الناس مش فاهمينة؟ إن
الدلائل و الخيوط بتودى للى انت مصدقه؟ إن معاك ادلة و إثباتات؟
مش هقولك حاجة غير
لاحظ ماضيك. لاحظ الوقت اللى كان، اللى فيه كام عندك بردوا ادلة و إثباتات على
حاجات كتير و دلوقتى إتغيرت. شوف كام مرة الطريقة اللى بتشوف بيها إتغيرت. شوف كام
مرة اللى كنت معتبره حقيقة دلوقتى بتعتبره خيال. و اللى كنت معتبره جنان بتعتبره
دلوقتى حقيقة.
بصيت؟ لقيت حاجات
كتير؟ طيب يا اللى متأكد إنك صح. إيه اللى يمنع إن ده يحصل تانى؟ إن زى ما حصل
زمان تكتشف الخبايا ورا الحاجات اللى انت كنت متأكد منها فتلاقى حاجات جديدة متأكد
منها بردوا.
بعد كدة يا ريت
تاخد بالك إنك لو كلمت نفسك اللى كانت موجودة من 5 سنين مش هتعرف هى تقنعك، و لا
انت هتعرف تقنع نفسك باللى انت فيه بعد 5 سنين.
خد بالك إن فى
احتمال كبير إنك تعتبر اللى انت متأكد منه دلوقتى غلط بعدين. إزاى مش قابل حد تانى
يشكك فيه؟
بقلم: احمد طارق
بقلم: احمد طارق
ليست هناك تعليقات:
إرسال تعليق